■香蕉仔現址在鳳攸北街。
■阿華田香蕉煎餅，煎得好靚。
■開心果香蕉煎餅味道濃郁。
香蕉仔創於2019年，憑藉香蕉Pancake而聞名，即使從舊址遷往元朗鳳攸北街5-7號順豐大廈地下18號舖重新開業依然人氣不減，更是入元朗必吃的名物。
香蕉仔長年大排長龍，不過，又不用太擔心，因為點餐後就會收到個時間，只需要按時到取就可以，不用呆在路邊等，服務貼心。一般來說，只係等10至20分鐘，脆口的Pancake就到手了。必試阿華田香蕉煎餅（38元），Pancake樣貌好靚，阿華田同香蕉味意外地好夾，仲好食過榛子味，仲要入口勁脆，趁熱食好脆口，好快就食晒；另一款是開心果香蕉煎餅（48元），開心果醬味道幾濃郁，令你滿口開心果滋味。還可以選擇雙拼，食法多多，加上員工態度勁好，值得再試。